बराहक्षेत्र ः सुनसरीको बराहक्षेत्र १०, प्रकाशपुरमा जारी ५ औ प्रकाशपुर च्यालेन्ज कपकोे दास्रो दिन वुधवार सम्पन्न खेलमा सालवनी फुटवल क्लब बराहक्षेत्र ८ लाई १ – ० गोल अन्तरले पराजित गर्दै गोल्डेन स्टार यूथ क्लब दुहवी,भलुवा सेमि फाइनलमा प्रवेश गरेको छ ।
खेल सुरु भएको २३ औ मिनेटमा गोल्डेन स्टारको ९ नम्बर जर्सीका हर्थिक चौधरीले गोल गरेर आफ्नो टिमलाई अग्रता दिलाएका थिए ।
अत्यन्तै प्रतिष्पर्धात्मक खेल भएपनि सालवनी फुटवल क्लबले गोल र्फकाउन नसक्दा गोल्डेन स्टार यूथका जर्सी नम्बर ९ का हर्थिक चौधरीले गरेको गोलले नै विजय हुदै गोल्डेन स्टार दुहवी भलुवा सेमि फाइनलमा प्रवेश गरेको हो ।
आजको खेलमा गोल्डेन स्टार यूथका जर्सी नम्बर ७ का दिलिप चौधरीले दोस्रो हापको १३ औ मिनेटमा पहेंलो कार्ड पाएका थिए ।
आजको खेलको म्यान आफ द म्याच गोल्डेन स्टारको जर्सी नम्बर १० का किसान चौधरी घोषित भए । उनलाई आयोजकले नगद र मेडल प्रदान गरेको थियो । भोलिको खेल सप्तकोशी युवा क्लब देविघाट बराहक्षेत्र ७ र तालतैलया फुटबल क्लब इटहरी विच हुने प्रकाशपुर फुटबल क्लबका अध्यक्ष युवराज लिम्बुले बताए ।
