बराहक्षेत्र ः सुनसरीको बराहक्षेत्र १०, प्रकाशपुरमा जारी ५ औ प्रकाशपुर च्यालेन्ज कपको पाँचौं दिन शनिवार सम्पन्न खेलमा तालतैलया फुटबल क्लब इटहरीलाई ४–३ गोल अन्तरले ट्राईवेकरमा पराजित गर्दै इनरुवा इभेन्ट म्यानेजमेन्ट इनरुवा फाइनलमा प्रवेश गरेको छ ।
पहिलो हापको खेल सुरु भएको ३ मिनेटमा तालतैलयाका जर्सी नम्वर ११ का विवेक राईले गोल गरी आप्mनो टीमलाई अग्रता दिलाएका थिए ।
दुबैै टिम बिच कडा प्रतिष्पर्धात्मक भएको खेलमा पहिलो हापको २८औ मिनेटमा इनरुवा इभेन्टका जर्सी नम्वर १४ का प्रताप चौधरीले गोल गरी खेललाई बराबरीमा ल्याएका थिए ।
इनरुवाकै जर्सी नम्वर ११ का विनोद राईले पहिलो हापको ३२ औ मिनेटमा गोल गरी टिम लाई अग्रता दिलाएका थिए । उत्तराद्र्धको ३५ औ मिनेटमा तालतैलयाका जर्सी नम्वर ८ का किरण राईले गोल गरी खेल लाई बराबरीमा ल्याएका थिए ।
दुबैै टिम बिच कडा प्रतिष्पर्धात्मक भएपनि दोस्रो हापमा दुबै टिमले गोल गर्न नसक्दा खेल बराबरी भएको थियो ।
खेलको निर्धरित समयमा दुबै टीमले २–२ गोल गरेपछि खेल ट्राइ ब्रेकरमा गएको थियो ।
ट्राइ ब्रेकरमा तालतलैयाले ३ गोल हानेको थियो भने इनरुवाले ४गोल हानेर फाइनको यात्रा तय गरेको छ । तालतलैयाका जर्सी नम्बर १४ का प्रताप चौधरी, जर्सी नम्बर २३ का सुमित चौधरी, जर्सी नम्बर ३ का रोसन चौधरीले गोल गरेका थिए । इनरुवाका खेलाडी जर्सी नम्बर ११ का बिनोद राई, जर्सी नम्बर ८ का जीवन धामी, जर्सी नम्बर २ का मदन राई, जर्सी नम्बर ९ का एल्सन राई ले गोल गरेका थिए ।
तालतलैयाका जर्सी नम्बर ८ का किरण राईले हानेको गोल इनरुवा इभेन्टका गोल रक्षक राजेश खड्काले सेभ गरेपछि इनरुवा ४ गोल गर्दै फइनलमा प्रवेश गरेको छ ।
आजको खेलको म्यान आफ द म्याच इनरुवाका गोल रक्षक राजेश खड्का घोषित भए । उनलाई नगद, ट्रफि आयोजकले प्रदान गरेको प्रकाशपुर फुटबल क्लबका अध्यक्ष युवराज लिम्बुले बताए ।
भोलिको दोस्रो सेमि फइनलको गेम गोल्डेन स्टार युथ क्लब दुहबी, भलुवा
र पञ्चकन्या फुटबल क्लब उदयपुरबिच हुने छ ।
