बराहक्षेत्र : स्वास्थ्यको लागि खेलकूद राष्ट्रको लागि खेलकूद भन्ने नाराका साथ ५ आंै प्रकाशपुर च्यालेन्ज कप सुनसरीको बराहक्षेत्र १० प्रकाशपुरमा साउन १७ बाट सुरु हुने भएको छ ।
प्रकाशपुर फुटबल क्लबको आयोजनामा प्रकाश माविको खेल मैदानमा हुने खेलमा सुनसरी र उदयपुर जिल्लाका आठ वटा टिमले सहभागी जनाउने छन ।
साउन १७ गते देखि २४ गते मम्म संचालन हुने खेलमा इनरुवा इभेन्ट म्यानेजमेन्ट इनरुवा, राजाबास युथ क्लब, राजाबास बराहक्षेत्र ९, सप्तकोशी युवा क्लब देबीघाट, बराहक्षेत्र ७, तालतैलया फुटबल क्लब इटहरी , सालवनी फुटबल क्लब सालवनी,बराहक्षेत्र ८, गोल्डेन स्टार यूथ क्लब दुहबी भलुवा, प्रकाशपुर फुटबल क्लब बराहक्षेत्र १०, प्रकाशपुर, पञ्चकन्या फुटबल क्लब, उदयपुर बिच हुने प्रकाशपुर फुटबल क्लबका अध्यक्ष युवराज लिम्बुले बताए ।
प्रथम पुरस्कार ५५ हजार र द्वितीय पुरस्कार ३५ हजार सहित सिल, टफि, मेडल, मेन अफ द म्याच, बेस्ट खेलाडीलाई नगद, ट्रफि मेडल राखिएको आयोजक टीमका सचिव सनम मगरले वताए ।
उक्त खेलको प्रायोजक बराहक्षेत्र नगर खेलकुद विकास समिति र सह प्रायोजक बराहक्षेत्र वडा नंं.१० कार्यलय रहेको आयोजकले जनाएको छ ।
