बराहक्षेत्र ः सामूदायिक विद्यालयहरूलाई अंगे्रजी माध्यममा रूपान्तरण गर्ने उद्देश्य राखेर सुनसरीको बराहक्षेत्र नगरपालिका वडा नं.१० कार्यलायले आज विहिवारदेखि अंगे्रजी माध्यमका किताब वितरण गर्न थालेको छ ।
वडा नं.१० कार्यालय, प्रकाशपुरले प्रकाश मावि, रामधुनी आधरभूत, नर्वदुर्गा आधारभूतलाई निजी बोर्डिङ्ग स्कुलमा प्रयोग हुने किताब निशूल्क वितरण गरेका छौ । वडा भित्रका सामुदायिक विद्यालयहरुसँगको बैठक, छलफलबाट नै सामूदायिक विद्यालयहरुलाई अंगे्रजी माध्यममा रुपान्तरण गर्न सहमति भएपछि पुस्तक वितरण थालिएको वडा अध्यक्ष तेज बहादुर गुरुङ्गले बताए ।
बाल विकास (नर्सरी, एल केजी) र १ देखि ३ सम्मका विद्यार्थी लाई पुस्तक वितरण गरिएको छ ।
वडा कार्यालयमा आर्थिक वर्ष ०७९÷०८० को लागि आएको बजेटमार्फत वडाले सामुदायिक विद्यालयहरुलाई अंगे्रजी माध्यममा लान ३ लाख ५० हजार १ सय २७ रुपैया बजेट छुट्याएको थियो । त्यही बजेट अन्र्तगत रहेर किताब बितरण गरिरहेको अध्यक्ष गुरुङ्गले भने ।
नवदुर्गा आविका प्रअ श्रवण चौधरी भन्छन, ‘अभिभावकहरुको चाहना पनि अंग्रजी माध्यममानै पढाईहोस भन्ने थियो । स्कुलले अभिभावको चहाना पुरा गर्न सकेको थिएन । वडा कार्यलयले बालविकास देखि तीन कक्षासम्म अल इन वान र साईन्स, म्याथ बुक वितरण गरेर सहयोग गरेको छ । अब नवदुर्गा आविमा पनि अंग्रेजी माध्यममा पढाइ हुने भएको छ ।
नवदुर्गा आविमा १ देखि ५ सम्म १ सय ११ जना विद्यार्थी अध्ययनरत छन् भने ६ जना शिक्षक उक्त विद्यालयमा अध्यापनरत छन् ।
श्री प्रकाश उच्च माविमा १ सय ५० जना अध्ययनरत रहेको प्रधानाध्यापक चुडामणि खनालले बताए । उनले भने वडाले अङ्ग्रेजी माध्यमको गणित र विज्ञान विषयका किताब निशुल्क वितरण गरेको छ । पहिला हामीले अङ्ग्रेजी माध्यममै पढाउन सुरु गरेका थियौँ । अभिभावकले किताब किन्न नसक्दा सञ्चालनमा आउन सकेको थिएन ।
१० नम्ब वार्ड कै रामधुनी प्राविमा पनि वाडाले किताब वितरण गरेको छ । अभिभावक र विद्यार्थीको चाहना वडाले पूरा गरिदिएको छ । यसले गर्दा पनि अभिभावकहरु सामुदायिक विद्यालयतर्फ आकर्षित हुने प्रधानाध्यापक वैजनाथ चन्द्रवंशीले बताए । रामधुनी प्राविमा १ देखि ५ सम्म ८७ जना विद्यार्थी रहेका छन् भने ५ जना शिक्षक रहेको चन्द्रवंशीले बताए ।
रामनक्षेदी पाल आधारभूत विद्यालय, सुनिल आधारभूत विद्यालय र भगवती निमाविमा यस अघि नै अङ्ग्रेजी माध्यमबाट पढाइ सुरु भइसकेकाले बाल विकासदेखि ३ कक्षा सम्मका लागि युनिफम, पेन्सिल, इरेजर वितरण गरिने वडा कार्यालयले जनाएको छ ।
‘वडा नं. १० का सामुदायिक विद्यालयलाई अंगे्रजी माध्यमा लाने वडा बासी सँग प्रतिबद्धता गरेका थियौँ । तिनै कामहरु सुरु गरेका हौ ।’ अध्यक्ष गरुङ्गले भने ।
वडा अध्यक्ष तेज बहादुर गुरुङ्ग , सदस्य प्रविण जोगी र महिला वडा सदस्य पद्मा विष्टले स्कुल मै गएर किताब वितरण गरेका थिए ।
